Eşitmə, düzgün cihaz seçiminin və peşəkar dəstəyin əhəmiyyəti Eşitmə sağlamlığı, insanın gündəlik həyat keyfiyyətinə birbaşa təsir edən əsas faktorlardan biridir....
Eşitmə zəifliyi dünyada milyonlarla insana təsir edən sağlamlıq məsələsidir. Ümumdünya sağlamlıq təşkilatının ( ÜST ) 2050 – ci ilə qədər təxmini 2.5 milyard insan fərqli eşitmə dərəcələri yaşayacağını və ən az 700 milyon insanın eşitmə reabilitasiyasına ehtiyac qalacağını proqnozlaşdırır. Eşitmə cihazları eşitmə zəifliyi olan şəxslərin səsləri daha aydın eşitməsinə, bunun sayəsində ünsiyyətin daha rahat olmasına kömək edən tibbi cihazlardır.
Eşitmə cihazları ətrafdakı səsləri toplayaraq yüksəldən, bunun sayəsində səslərin daha aydın eşitməsini təmin edən, qulağın arxasında və ya içində olan kiçik elektronik cihazlardır. Bu cihazların hər biri səsləri daha anlaşılan vəziyyətə gətirən funksiyalara malik mikrofon, amplifikator və generator olmaqla 3 əsas hissədən ibarətdir.
Mikrofon : ətrafdan gələn səsləri toplayaraq elektrik siqnallarına çevirir.
Amplifikator : Mikrafondan gələn elektrik siqnallarını eşitmə zəifliyinin dərəcəsinə, ətrafdakı səslərin səviyyəsinə görə analiz edir və tənzimləyir. Səslər burada işləndikdən sonra yəni filtrasiyadan keçəndən sonra siqnallar generatora ötürülür.
Dinamik: Bəzi hallarda qəbul edici adlandırılaraq gücləndirilmiş səs siqnallarını birbaş qulağa ötürən hissədir.
Eşitmə sağlamlığı sadəcə səsləri eşitmək üçün deyil, insanın sosial həyata aktiv qatılması üçün də önəmlidir. Eşitmə cihazları, xüsusilə xəstəlik, yaşlanma və ya gurultu kimi səbəblərlə daxili qulaqdakı tükcüklü hüceyrələrin zədələndiyi sensonevral eşitmə zəifliyi olan xəstələrin səsləri daha yaxşı eşitməsinə kömək edir. Bu cihazlar sayəsində sağlam qalan tükcüklü hüceyrələr daha böyük titrəşmələri qəbul edir və bunları beyinə ötürən sinir siqnallarına çevirir. Bununla belə eşitmə cihazları çox ağır dərəcəli eşitmə zəifliyi və ya tam eşitmə itkisində fayda verməyə də bilər.
Eşitmə cihazları əsasən ətrafdakı səsləri toplayaraq gücləndirmək və istifadəçinin daha aydın eşitməsini təmin etmək üçün nəzərdə tutulmuşdur. Lakin yerləşdirildikləri bölgəyə və dizayn xüsusiyyətlərinə görə fərqli növlərə bölünür.
Eşitmə cihazı seçərkən insanlar üçün cihaz qiyməti və ən yaxşı eşitmə cihaz modelinin hansı olması daha çox əhəmiyyət kəsb edir. Düzgün cihaz şəxsin ehtiyaclarını ən yaxşı qarşılayan cihazdır. Buna görə də eşitmə cihazı seçimində bunlara diqqət etmək lazımdır:
Eşitmə testindən keçmək: eşitmə zəifliyinin dərəcəsini müəyyən edən bu test sayəsində mütəxəssislər istifadəçiyə cihaz tövsiyyə edə bilər. Məsələn, qulaq arxası cihazlar hər dərəcəli eşitmə zəifliyi zamanı təyin edilərkən, qulaq içi cihazlar isə yalnız yüngül və orta dərəcəli eşitmə zəifliyi zamanı təyin edilir.
Cihaz tipinin seçilməsi : Hal -hazırda model olaraq qulaq arxası, qulaq içi və ya tamamən kanal içi kimi fərqli eşitmə cihazları hər yerdə tapmaq mümkündür. Hansı tip cihazın seçilməsi üçün eşitmə zəifliyinin dərəcəsi, həmin şəxsin yaşı , qulaq pərdəsinin tamlığı, qulaq kanalının quruluşu, cihazın istifadə rahatlığı, görünməzlik kimi faktorlar nəzərə alınmalıdır.
Əlavə özəlliklər : İnkişaf edən texnologiya sayəsində bu dövrdə eşitmə cihazlarının istifadəçi ehtiyaclarına görə tənzimlənən bir çox funksiyaları da mövcuddur. Məsələn, cihazların bəziləri arxa fonda gurultunu filtrləyərək xüsusilə səs-küylü və ya izdihamlı şəraitdə səsin daha aydın ayırd edilməsini təmin edir.
Eşitmə cihazları eşitmə zəifliyi olan xəstələrin daha yaxşı eşitməsini və sosial həyata daha çox qatılmasını təmin edir. Sizdə də hər hansı bir səviyyədə eşitmə problemi varsa mütəxəssis qəbuluna gedərək uyğun eşitmə cihazı almağı gecikdirməyin.
Eşitmə cihazı alarkən bu 4 məqama diqqət etməyi unutmayın:
Eşitmə mütəxəssisi, eşitmə zəifliyinizin növünə və dərəcəsinə görə sizin üçün ən uyğun cihazı tövsiyə edəcəkdir.
Gündəlik həyatınızı dəstəkləyən bir eşitmə cihazı seçmək, daha aktiv və müstəqil bir həyat sürməyinizə kömək edəcəkdir.
İncə hərəkət bacarıqları zəif olan şəxslər və ya uşaqlar kiçik hissələri olan, batareyalı cihazları istifadə etməkdə çətinlik çəkə bilər.
Eşitmə cihazı almaqdan əvvəl sınaq müddəti təklif edən mərkəzlərə üstünlük vermək, cihazın sizə uyğun olub-olmadığını anlamağa kömək edəcəkdir.
Sizi Maraqlandıra biləcək Digər Mövzular
Eşitmə, düzgün cihaz seçiminin və peşəkar dəstəyin əhəmiyyəti Eşitmə sağlamlığı, insanın gündəlik həyat keyfiyyətinə birbaşa təsir edən əsas faktorlardan biridir....
Loqoped dəstəyi eşitmə zəifliyi yaşayan uşaqların nitq inkişafında mühüm rol oynayır. Avis Eşitmə Mərkəzi olaraq biz təkcə eşitmə cihazlarının seçilməsi...
Bilirdinizmi ki, kişilərdə eşitmə zəifliyi qadınlara nisbətən daha çox görülür? Maraqlıdır ki, bu fərqin səbəbi bioloji deyil, həyat tərzi ilə...