Qulaqda Küy Var — Tinnitus Nədir və Müalicəsi Varmı?

Qulaqda səs-küy var — bunun müalicəsi varmı? Bu sualı insanlar müxtəlif cür ifadə edir: “qulaqda cingilti var”, “qulaqda fit səsi gəlir”, “qulaqda uğultu var”, “qulaqda vıyıltı eşidirəm.” Tibb dilində bu vəziyyət tinnitus adlanır. Tinnitus ətraf mühitdə real səs mənbəyi olmadan insanın qulağında və ya başında səs eşitməsidir.

Bu səs hər kəsdə eyni olmur. Bəzilərində cingilti və ya fit, digərlərində uğultu, xışıltı, vıyıltı və hətta nəbzə bənzər ritm şəklində hiss edilə bilər. Tinnitus bəzən qısa müddətli olur, bəzən isə uzun müddət davam edə bilər.

Qulaqda cingilti, fit, uğultu — bunların hamısı tinnitus əlamətləri ola bilər.

Qulaqda Səs-küy Niyə Yaranır?

Tinnitusun yalnız bir səbəbi yoxdur. Buna görə qulaqda küy olan hər kəs üçün eyni müalicə üsulundan istifadə etmək düzgün deyil. Ən çox rast gəlinən səbəblər arasında eşitmə zəifliyi xüsusi yer tutur — çünki eşitmə zəifliyi və tinnitus bir çox hallarda birlikdə müşahidə olunur.

İnsan eşitmə qabiliyyətindəki dəyişiklikdən xəbərdar olmadan qulağında cingilti və ya uğultu hiss edə bilər. Buna görə qulaqda küy yarandıqda yalnız “keçər” düşüncəsi ilə gözləmək düzgün deyil.

Qulaqda Küy Var, Amma Yaxşı Eşidirəm — Yenə Müayinə Lazımdır?

Bəli, məsləhətdir. İnsan gündəlik həyatda “yaxşı eşitdiyini” düşünə bilər, amma bəzi tezliklərdə eşitmə səviyyəsində azalma ola bilər. Gündəlik həyatda bu fərq hiss edilməsə belə, audiometriya testi bu dəyişikliyi aşkara çıxara bilər.

Əsas müayinələrdən biri audiometriyadır. Audiometriya zamanı müxtəlif tezliklərdə səsləri hansı səviyyədə eşitdiyiniz müəyyən edilir. Lazım gəldikdə timpanometriya və digər müayinələr də aparıla bilər. Eşitmə müayinəsi haqqında ətraflı məlumat üçün bu blogumuzu oxuya bilərsiniz.

Audiometriya testi müxtəlif tezliklərdə eşitmə həddini ölçür — tinnitus səbəbini müəyyənləşdirmək üçün vacib addımdır.

Tinnitusun Müalicəsi Varmı?

Bəli, amma müalicə tinnitusun səbəbindən asılıdır. Məsələn, qulaq kiri və ya bəzi orta qulaq problemləri səbəbdirsə, əsas səbəbin aradan qaldırılması ilə qulaqda küy də azala və ya tamamilə keçə bilər.

Əgər tinnitus eşitmə zəifliyi ilə əlaqəlidirsə, ilk növbədə eşitmə vəziyyəti qiymətləndirilməlidir. Bəzi pasiyentlərdə uyğun seçilmiş qulaq aparatı tinnitusun daha az hiss olunmasına kömək edə bilər. Bunun əsas səbəbi ətrafdakı səslərin daha aydın eşidilməsi və diqqətin qulaqdakı səsə daha az yönəlməsidir. Eşitmə cihazının həyat keyfiyyətinə təsiri haqqında ətraflı məlumat ala bilərsiniz. Həmçinin müasir eşitmə cihazları haqqında da blogumuzu oxuya bilərsiniz.

Tinnitusun idarə olunmasında səs terapiyası, yuxunun yaxşılaşdırılması, stressin azaldılması və digər uyğun yanaşmalardan da istifadə edilə bilər. Stress tinnitusu birbaşa yaratmasa da, mövcud səs-küyü daha çox hiss etdirə bilər.

Qulaq həkimi tinnitus səbəbini müəyyənləşdirmək üçün kompleks müayinə aparır.

Qulaqda Səs-küy Nə Zaman Ciddi Qiymətləndirilməlidir?

Qulaqda yeni başlayan və davamlı səs-küyü diqqətsiz qoymaq olmaz. Xüsusilə aşağıdakı hallarda qulaq həkiminə müraciət etmək vacibdir:

Xüsusilə qəfil eşitmə zəifliyi ilə birlikdə yaranan tinnitus zamanı gecikmədən həkimə müraciət etmək lazımdır. Eşitmə zəifliyinin səbəbləri haqqında ətraflı məlumat bu bloqda yer alır.

Qulaqda Küy Varsa, İlk Olaraq Nə Etməli?

Ən doğru yanaşma qulaqda küyün səbəbini müəyyənləşdirməkdir. Bunun üçün eşitmə mərkəzinə müraciət edərək eşitmə vəziyyətinizi yoxlatdıra bilərsiniz. Audiometriya və digər uyğun müayinələr nəticəsində eşitmə səviyyəsi qiymətləndirilir və növbəti addım müəyyən edilir.

Özbaşına dərman qəbul etmək düzgün deyil — çünki tinnitusun səbəbi hər insanda fərqli ola bilər. Qulağınızda cingilti, fit, uğultu və ya başqa bir səs eşidirsinizsə, bunu uzun müddət gözlətməyin.

Avis Eşitmə Mərkəzini Instagram səhifəmizdən da izləyə bilərsiniz.