Musiqi dinləyərkən qulaqlarınızı itirməyin

Gənclərdə artan qulaqlıq mənbəli eşitmə zəifliyinə diqqət!

Müasir dövrdə qulaqlıq istifadəsi hər yaş qrupundan insanların gündəlik həyatının ayrılmaz hissəsinə çevrilib. Xüsusilə gənclər arasında yüksək səslə musiqi dinləmə vərdişi, fərqinə varmadan eşitmə sağlamlığını ciddi şəkildə təhlükə altına alır. Əvvəllər yalnız yaşlılıqla əlaqələndirilən eşitmə zəifliyi, artıq gənc yaşlarda da geniş yayılmağa başlayıb.

Niyə gənclərdə eşitmə zəifliyi artır?

Qulaq, burun, boğaz (LOR) mütəxəssisləri son illərdə eşitmə zəifliyi hallarının artdığını və bu halların yaş ortalamasının sürətlə azaldığını bildirirlər. İnkişaf etmiş ölkələrdə əvvəllər daha çox 50 yaşdan sonra rast gəlinən eşitmə zəifliyi, artıq 20-30 yaş arasında da aşkar olunur. Bu dəyişikliyin əsas səbəbləri bunlardır:

            •          Qulaq içi qulaqlıqlardan həddindən artıq istifadə

            •          Yüksək səslə və uzun müddət musiqi dinləmək

            •          Texnologiyalardan yanlış istifadə

            •          Şəhər həyatında yüksək səs-küy səviyyəsi

Qulaqlıq növlərinin eşitməyə təsiri

Qulaq içi qulaqlıqlar

Səsi birbaşa qulaq pərdəsinə ötürdükləri üçün eşitmə zəifliyi riski ən yüksək olan qulaqlıq növüdür. Yüksək səslə istifadə edildikdə, qulaq pərdəsinə güclü təzyiq göstərir və bu, həm eşitmə qabiliyyətində zəifliyə, həm də nitqi ayırd etmə çətinliyinə səbəb ola bilər.

Qulaq üstü qulaqlıqlar

Qulaq pərdəsindən daha uzaq yerləşdikləri üçün nisbətən daha təhlükəsiz sayılır. Lakin səs səviyyəsi yenə də yüksək olarsa, eşitmə sağlamlığına zərər verə bilər. Bu səbəbdən, hansı növ qulaqlıqdan istifadə olunmasından asılı olmayaraq, səs səviyyəsi nəzarətdə saxlanmalı və uzunmüddətli istifadədən çəkinmək lazımdır.

Gənclərdə estetik narahatlıq və eşitmə cihazları

Eşitmə zəifliyinin gənc yaşlarda ortaya çıxması təkcə sağlamlıq deyil, estetik baxımdan da narahatlıq yaradır. Xüsusilə ənənəvi eşitmə cihazları görünüşlərinə görə, bəzi gənclər qulaq aparatı istifadəsinə meyilli olmurlar daha doğrusu görünəcək deyə istifadəsindən utanır.

Bu ehtiyacları qarşılamaq üçün kənardan kənardan çox da görünməyən, hətta birbaşa qulaq kanalına yerləşən mikro eşitmə cihazları da istehsal edilir. Bu cihazlar estetik narahatlığı aradan qaldırmaqla yanaşı, güclü eşitmə dəstəyi təqdim edir.

Eşitmə sağlamlığınızı qorumaq üçün nə etməlisiniz?

• Musiqi dinləyərkən səs səviyyəsini 60%-dən aşağıda saxlayın.

• Qulaqlıq istifadəsini gündə maksimum 60 dəqiqə ilə məhdudlaşdırın.

• Gürültülü mühitlərdə qulaq qoruyucu vasitələrdən istifadə edin.

• Eşitmə zəifliyi şübhəsi varsa, mütləq professional müayinədən keçin.

Əgər eşitmə zəifliyi olub olmadığını öyrənmək və sizin üçün ən uyğun, estetik və funksional həlləri sınamaq istəyirsinizsə, sizə ən yaxın Avis Eşitmə Mərkəzinə müraciət edə bilərsiniz.

Unutmayın:

Eşitmə zəifliyi ağrı verməz, amma səssizcə irəliləyər. Eşitmə sağlamlığınızı laqeyd yanaşmayın, qulaqlıqdan ağılla istifadə edin.